11 марта 2025, 10:43
Спортивон комплекс «Тагбан»-ы бахыгътой сывæллæтты турнир хоккейæ «Косатка»-йы хатдзæгтæ
Архайдтой дзы, 12 азы онг кæуыл цæуы, ахæм рæзгæ фæлтæр
Спортивон комплекс «Тагбан»-ы бахыгътой сывæллæтты турнир хоккейæ «Косатка»-йы хатдзæгтæ. Архайдтой дзы, 12 азы онг кæуыл цæуы, ахæм рæзгæ фæлтæр. Ихын фæзмæ рацыдысты 6 командæйы Астраханæй, Сочийæ, Ессентукийæ, федералон территори «Сириус» æмæ Дзæуджыхъæуæй. Бирæтæн дзы Дзæуджыхъæуы турнир систы фыццаг стыр ерыстæ. «Тагбан»-ы Кубок — «Алайнаг стайтæм». Не спортсментæ равдыстой ирд æмæ цымыдисаг хъазт, æмæ систы уæлахизы аккаг. Дыккаг æмæ æртыккаг бынæттæ бацахстой уазджытæ — командæтæ «Виктория» æмæ «Союз А». Турнир сæхгæныны кадджын мадзалы ма сбæрæг кодтой хуыздæр дуаргæсты, бомбардирты æмæ хоккеистты. Фæстаг дыууæ хæрзиуæджы райста 11 аздзыд Цомайты Марат.
темæмæ гæсгæ
