Уый тыххæй республикæйы Хицауады æмбырды фехъусын кодта премьер Дзанайты Барис
36 мин сывæллонæй фылдæр ацы аз бацархайдзысты сæрдыгон дзæбæхгæнæн кампанийы. Уыцы нысантæн радих кæндзысты 230 милуан сомы. Уый тыххæй республикæйы Хицауады æмбырды фехъусын кодта премьер Дзанайты Барис. Уымæй дарддæр апрелы æмæ майы Цæгат Ирыстоны ацæудзæн санитарон сыгъдæггæнæн мæйон. Сыгъдæггонд æмæ аивгонд цæудзысты горæтты æмæ хъæуты территоритæ. Хицауады уæнгтæ ма æркастысты æндæр ахсджиаг фарстатæм. Се хсæн – сæрмагонд æфсæддон операцийы архайджытæн лæвар медицинон æххуыс кæнын. Медицинон-санитарон лæггæдтæ хъуамæ исой æнæ радæй. Стыр æргом аздæхтой инвестицион программæтæм 2025-æм, 2026-2027-æм азтæн. Ацы аз республикон бюджетæй радих кæндзысты 642 милуан сомы. Программæйы сты социалон объекттæ. Ныхас ма цыд хъæууон хæдзарады рæзтыл дæр.
