Ацы аз арæзт æрцыд Стыр Уæлахизы 80 азы кадæн
Хæххон паддзахадон университеты райдыдта ирд, æмæ фæсивæд рагæй кæмæ фенхъæлмæ кæсынц, уыцы студентты уалдзæг. Ацы аз арæзт æрцыд Стыр Уæлахизы 80 азы кадæн. Уымæ гæсгæ номырты фылдæр хай баст у патриотизмы темæимæ. Студенттæ сæ курдиат æвдисынц 27 номинацийы.
Тыхстдзинад аиуварс кæнын, хорз хъуыдытыл хæст уæвын, сæйрагдæр та, сценæйы æхсызгон æнкъарæнтæ исын. Студентты хъуыдымæ гæсгæ, уыдон сты æнтыстджын архайды сусæгдзинæдтæ. Алкæмæндæр сæ студентты уалдзæг у ирд æмæ, рагæй æнхъæлмæ кæмæ фæкæсынц, ахæм мадзал. Уый тыххæй йæм алы хатт дæр сæхи лæмбынæг бацæттæ кæнынц.
Ацы фæсивæдæй бирæтæ студентты уалдзæджы фæд фæдыл цалдæр азы архайынц. Ахæм фæлтæрддзинадимæ хъуамæ æдыхстæй рацæуой сценæмæ, фæлæ æнкъарæнтæ сты тыхджындæр.
Ацы аз студентты уалдзæг арæзт æрцыд Стыр Уæлахизы 80 азы кадæн. Уымæ гæсгæ сфæлдыстадон номырты фылдæр хай уыд патриотизмы темæимæ баст. Архайджытæ æвдыстой райгуырæн зæххмæ уарзондзинад.
Адæмон æмæ эстрадон вокалæй райдай æмæ уæлæдарæсы равдыстæй æмæ КВН-æй фæуы. Студенттæ сæ арæхстдзинад æвдисынц алыхуызон номинациты. Æдæппæтæй сты 27, æмæ дзы алкæцыдæр фæсивæдæн фадат дæтты сæ курдиæттæ равдисынæн.
Мадзалæн нырма у йæ райдиан. Дыууæ боны ма ис студенттæн сценæйы сæ ирд æмæ æнтыстджын архайдæн.
