Сергей Меняйло куыд фæнысан кодта, афтæмæй республикæ архайы адæмы царды уавæртæ хуыздæр кæнынимæ баст чи у, ахæм стратегион хъæппæристы агентады раззагдæр проектты
Республикæйы Сæргълæууæг Сергей Меняйло æмæ стратегион хъæппæристы агентады генералон директор Светлана Чупшева кусæг фембæлды рæстæг æрныхас кодтой республикæйы инвестицион климæты фарстатæ фæхуыздæр кæныныл. Æмбырды архайдтой Цæгат Ирыстоны æххæстгæнæн хицаудзинады оргæнты минæвæрттæ. Сергей Меняйло куыд фæнысан кодта, афтæмæй республикæ архайы адæмы царды уавæртæ хуыздæр кæнынимæ баст чи у, ахæм стратегион хъæппæристы агентады раззагдæр проектты. Цæгат Ирыстоны разамонæг бузныг загъта агентады командæйæн, социалон-экономикон фарстаты регионæн кæй æххуыс кæнынц, уый тыххæй. Æмбырды архайджыты иумæйаг хæс у — стратегион хъæппæристы агентады проекты регионы куыст фæахадгæдæр кæнын, стæй нысан кæнынц инвестицион хъомысы райрæзтыл бакусын. Светланæ Чупшева куыд зæгъы, уымæ гæсгæ республикæимæ æмгуыстад кæнынц 2023-æм азæй нырмæ. Иумæйаг куыст у бизнесы гæнæнтæ фæуæрæхдæр кæныны нысан, уыимæ та регионы экономикон райрæзты фидар бындур. Зæрдæ дарæн ис Цæгат Ирыстоны инвестицон хъомыс ног æмвæзадмæ кæй рахиздзæн, ууыл. Ацы аз уал аргъ цы бæрæггæнæнтæн скодтой, уыдон фаронимæ абаргæйæ фæфылдæр сты æртæ хатты. Афтæмæй зæгъæн ис, чысыл æмæ астæуккаг амалхъомдзинады рæзты къабаз кæй фæахадгæдæр. Æмбырды байхъуыстой министрты докладтæм дæр, инвестицион климæты Национ рейтинг чи бæрæг кæны, уыцы мадзæлттæ аразынæн уыдон дæттынц дзуапп. Агентады эксперттæ дæр кæронбæттæны радтой сæхи амынддзинæдтæ.
