Бæстон доклад дзы скодта мидхъуыддæгты министрады æхсæнадон барад хъахъхъæныны цæгатирыстойнаг пъæлицæйы хицауы хæдивæджы хæстæ рæстæгмæ æххæстгæнæг Алексей Осипов
Сергей Меняйлойы разамындæй арæзт æрцыд коррупцийы ныхмæ республикон къамисы æмбырд. Бæстон доклад дзы скодта мидхъуыддæгты министрады æхсæнадон барад хъахъхъæныны цæгатирыстойнаг пъæлицæйы хицауы хæдивæджы хæстæ рæстæгмæ æххæстгæнæг Алексей Осипов. Куыд радзырдта, афтæмæй цæуы стыр профилактикон куыст. Уымæй дарддæр алы бон дæр паддзахадон автоинспекцийы кусджытæн скæнынц инструктаж, куыд ахсджиаг у коррупцийы тыххæй закъонæвæрынад æххæст кæнын. Хатдзæгтæ скодтой 2024-æм азы куыстæн. Æмбырды архайджытæ ма æркастысты, коррупцийы ныхмæ закъонæвæрынад æндæр организациты куыд æххæстгонд цæуы, уымæ. Къамисы хатдзæгтæм гæсгæ бæрнон организацитæн скодтой амынддзинæдтæ, æмæ сæм цæудзæн бæстон цæстдард.
