Уый размæ этапты архайдта 1339 скъоладзауы Дзæуджыхъæуæй æмæ Цæгат Ирыстоны æппæт районтæй
Национ наукон библиотекæйы уыд æвзонг кæсджыты æппæтуæрæсеон конкурс «Живая классика»-йы регионалон къæпхæн. Уый размæ этапты архайдта 1339 скъоладзауы Дзæуджыхъæуæй æмæ Цæгат Ирыстоны æппæт районтæй. Уыдонæй 27 лæппуйы æмæ чызджы систы регионалон къæпхæны архайджытæ. Бакастысты скъуыддзæгтæ уырыссаг æмæ фæсарæйнаг фысджыты аивадон уацмыстæй. Регионалон къæпхæны уæлахиздзаутæн уыдзæн æппæтадæмон центр «Артек»-мæ лæвар ацæуыны фадат. Конкурс «Живая классика» у сывæлæттæн æппæтæй стырдæр литературон проект Уæрæсейы. Æрвылаз дзы фæархайы 2 æмæ *рдæг милуан адæймагæй фылдæр бæстæйы алы регионтæй. Проект æххæстгонд цæуы Уæрæсейы Федерацийы президенты гранты æххуысæй.
