10 апреля 2025, 10:41
Дзæуджыхъæуы 38-æм скъолайы ацыд патриотон акци «Номарæн арт»
Æнусон арты хай радтой 37-æм скъолайы ахуырдзаутæ
Дзæуджыхъæуы 38-æм скъолайы ацыд патриотон акци «Номарæн арт». Æнусон арты хай радтой 37-æм скъолайы ахуырдзаутæ. Арт у фæлтæрты бастдзинад, милуангай адæмты хæлардзинады æмæ советон адæмы хъæбатырдзинадыл дзурæг. Кадджын мадзалы – ветерантæ, æхсæнадон архайджытæ, сæрмагонд æфсæддон операцийы æфсæддонтæ, республикæйы хицаудзинады оргæнтæ. Ахуырдзаутæ бацæттæ кодтой тематикон концертон программæ. Равдыстой æфсæддон инсценировкæтæ, æмдзæвгæтæ, зарджытæ… Мадзалы архайджытæ æдзард æфсæддонты ном æрымысыдысты минут æдзæмæй алæугæйæ. Акци баст уыди Стыр уæлахизы 80 азы бонимæ. Йæ саразджытæ куыд загътой, афтæмæй æфсæддон-патриотон куыст цæуы афæдзы дæргъы.
темæмæ гæсгæ
