Хид фæнд кæнынц фæуæрæхдæр кæнын, фæзындзæн дзы фистæгцæуджытæн зонæтæ
Ногиры дарддæр цæуынц хиды рацарæзты куыстытæ. Ацы хъуыддаг æххæстгонд цæуы национ проект «Цардæн инфраструктурæ»-мæ гæсгæ. Хид фæнд кæнынц фæуæрæхдæр кæнын, фæзындзæн дзы фистæгцæуджытæн зонæтæ. Специалисттæ зæрдæ æвæрынц, объект эксплуатацимæ фæззæджы радтын.
Хиды сæрмагонд къултæ æвæрын у æппæтæй лæмбынæгдæр куыстытæй иу, зæгъынц специалисттæ. Ацы конструкцитæ хъахъхъæнынц объекты хæйттæ. Проектмæ гæсгæ ног хидæн уыдзæн 6 быцæугæнæн цæджындзы. Алкæцы дæр фæйнæ 24 метры.
Хиды иумæйаг дæргъ уыдзæн 816 метры. Проектмæ гæсгæ сног кæндзысты канализаци дæр. Специалисттæ куыд зæгъынц, афтæмæй дондзæуæн системæ уыд кæлæддзаг уавæры.
Куыстытæ цæуынц æхсæвæй-бонæй. Алы къæпхæны дæр профилон ведомствæты минæвæрттæ бæлвырд кæнынц æппæт арæзтадон æрмæджыты хæрзхъæддзинад, кæсынц куыстыты цыдмæ. Ног быцæугæнæн къул аразынмæ бавналыны размæ уал, специалисттæ ивынц донвæд кæцырдæм хъæуы, уыцырдæм.
Реконструкци æххæстгонд цæуы нацпроект «Цардæн инфраструктурæ»-мæ гæсгæ. Федералон фæрæзтæ республикæ райста Уæрæсейы президенты æххуысæй. 2023-æм азы Сергей Меняйлоимæ фембæлды фæстæ Владимир Путин радта бæлвырд хæслæвæрдтæ. Сæ хыгъды уыдысты Цæгат Ирыстонæн ацы ахсджиаг объектмæ базилыны куыстытæ дæр. Хид фæнд кæнынц фæуæрæхдæр кæнын, фæзындзæн дзы фистæгцæуджытæн зонæтæ. Эксплуатацимæ объект фæнд кæнынц фæззæджы радтын.
