Лæмбынæг цæстдард цæуы сæ психологон уавæрмæ дæр
Республикæйы сывæллæтты реабилитацион центр «Тæмисчъы» адæм, уæлдайдæр та сабитæ æрмæст медицинон æххуыс нæ райсынц. Лæмбынæг цæстдард цæуы сæ психологон уавæрмæ дæр. Реабилитаци ахæссы 18 боны. Уыцы рæстæгмæ Фыдыбæстæ хъахъхъæнджыты æмæ йæ цард кæмæн аскъуыд, уыцы хъæбатырты хиуæттæ фæфидар кæнынц се *нæниздзинад, суадзынц сæ фæллад, сæйрагдæр та у, сæ зæрдæты уæззау æнкъарæнтæ сæ кæй айрох вæййынц, уый. Бæлвырддæр радзурдзæн Чехойты Фатимæ.
Массаж, ингаляцитæ, механотерапия… Уый у, центры адæм цы процедурæтæ исынц, уыдоны хай. Цалынмæ иутæ тренажертыл архайынц, уыцы рæстæг иннæтæ се *нæниздзинад фидар кæнынц магнитон фæзы æххуысæй. Реабилитаци куыд æххæстгонд цæуы, уымæ сæ цæст лæмбынæг дарынц специалисттæ.
Алы адæймаг дæр реабилитаци фæцæуы сæрмагонд программæмæ гæсгæ. Процедурæтæ равзарынц дохтыртæ. Медицинон лæггæдтæ адæм райсынц, специалисттимæ куы аныхас кæнынц, æмæ уыдон сæ хатдзæгтæ куы скæнынц, уый фæстæ.
Се *ппæт дæр æмбарынц, ахæм медицинон æххуысхъуаг сæрмагонд æфсæддон операцийы архайджыты бинонтæ кæй сты, уый. Ахадгæ æрмæст æнæниздзинад фæфидар кæнынæн нæу, фæлæ ма уæззау æнкъарæнтæ ферох кæнынæн дæр. Анна Скляровайæн хæсты фæмард йæ цардæмбал. Центрмæ ссыд йæ дыууæ чызгимæ. Йæ ныхæстæм гæсгæ, реабилитаци уайтагъд фæбæрæг йе *нæниздзинадыл.
Центры сæрмагонд цæстдард цæуы адæмы, уæлдайдæр та сывæллæтты психологон уавæрмæ. Уый тыххæй дзы кусынц æртæ сæрмагонд уаты. Уыцы бирæфункционалон агъуыстыты алы адæймаг дæр райсы психологон æххуыс.
Сфæлдыстадон куыст кæнын — ноджыдæр ма иу мадзал, сывæллæтты ирхæфсынæн. Æлыгимæ кусыны, зарджыты æмæ кафты къордттæ. Центры ис цалдæр къабазы, сабитæ сæ курдиат кæм равдисынц, ахæмтæ.
Алы сывæллоны æмæ хистæр адæймаджы фарсмæ æдзух сты специалисттæ. Уыдон сыл узæлынц æрвылбон, аразынц хорз фадæттæ сæ реабилитацийæн.
Реабилитаци ахæссы 18 боны. Уыцы рæстæгмæ Фыдыбæстæ хъахъхъæнджыты æмæ йæ цард кæмæн аскъуыд, уыцы хъæбатырты хиуæттæ æрмæст медицинон æххуыс нæ райсынц, фæлæ ма сæ фæллад дæр суадзынц, сæйрагдæр та — 18 бонмæ сæ айрох вæййынц сæ зæрдæты уæззау æнкъарæнтæ.
