Ахæм хæс профилон ведомствæйæн аппаратон æмбырды радта Цæгат Ирыстоны сæргълæууæг Сергей Меняйло
Дзæуджыхъæуы математикон лицейы бындурыл республикæйы дæрддзæф районты сывæллæттæн байгом уыдзæн лæвар математикон фæсаууонмæ скъола. Ахæм хæс профилон ведомствæйæн аппаратон æмбырды радта Цæгат Ирыстоны сæргълæууæг Сергей Меняйло. Ныхас дзы цыди Арвы комы фæндагыл дæр. Арæнты сæрты ахизынмæ республикæйы территорийы сæ радмæ æнхъæлмæ кæсынц 2 мины 4 сæдæ машинæмæ хæстæг. Æрдзырдтой къæвдаты дæттæ кæдæм цæуынц, уыцы канализацион системæйыл уавæрыл дæр. Дондзæуæн куыстуаты генералон директор Хъараты Тимур куыд фехъусын кодта, афтæмæй специалисттæ сбæрæг кодтой, горæты æппæтæй цауддæр кæм у уавæр, ахæм 10 бынаты. Майы бæрæгбæтты агъоммæ Сергей Меняйло профилон структурæты ргом аздæхта 1-æм æмæ 9-æм майы мадзæлтты æдасдзинадыл бакусынмæ. Ныхас цыди хостæй ифтонг кæныны фарстайыл дæр. Æнæниздзинад хъахъхъæныны министр Тебиаты Сосланы ныхæстæм гæсгæ, афæдзы райдианæй нырмæ афтекты хостæ радтой 50 мин рецептмæ гæсгæ.
