Форумы фæзы æрæмбырд сты 4 мин адæймаджы нæ бæстæйы алы регионтæй
Цæгат Ирыстоны делегаци, йæ сæргъы республикæйы Сæргълæууæджы æмæ Хицауады Администрацийы разамонæг Гобеты Ибрагимимæ архайы II Æппæтуæрæсеон муниципалон форум «Малая Родина – сила России»-йы. Ацы бонты цæуы Мæскуыйы. Форумы фæзы æрæмбырд сты 4 мин адæймаджы нæ бæстæйы алы регионтæй. Сты бынæттон хиуынаффæйады, федералон æмæ регионалон хицаудзинады оргæнты, бизнесы æмæ æхсæнадон организациты минæвæрттæ, эксперттæ. Форумы делегаттæн арфæ ракодта Уæрæсейы Президент Владимир Путин. Схорзæхджын кодта дыккаг Æппæтуæрæсеон муниципалон преми «Служение»-йы лауреатты æмæ уæлахиздзауты. Уæвгæ, Æппæтуæрæсеон форум арæзт фæцæуы алы аз дæр. Баиу кæны хиуынаффæйады разамонджыты, бизнесы минæвæртты æмæ алы къабæзты экспертты, цæмæй бакусой ахысджиагдæр фарстатыл æмæ рæзты стратегитыл.
