Мадзал арæзт æрцыд «Дзæуджыхъæу – æфсæддон намысы горæт»-ы мемориалы.
Фыдыбæстæйы Стыр хæсты Уæлахизы 80 азы кадæн Цæгат Ирыстон суазæг кодта æппæтадæмон патриотон акци «Уæлахизы Эстафетæ». Эстафетæ арæнхъахъхъæнæн Управленийæн раттыны кадджын мадзалы архайдта Хицауады Сæрдары хæдивæг Томайты Ирбег. Мадзал арæзт æрцыд «Дзæуджыхъæу – æфсæддон намысы горæт»-ы мемориалы. Эстафетон змæлды сæйраг нысан у, Фыдыбæстæйы Стыр хæсты рæстæг нæ бæстæйы арæнтæ чи хъахъхъæдта, уыцы æфсæддонты-арæнхъахъхъæнджыты хъæбатырдзинад сæнусон кæнын. Томайты Ирбег куыд загъта, афтæмæй «Уæлахизы Эстафетæ»-йæ арæм, фашистты цæф йæхимæ чи райста, уыцы хъæбатырты ном. Ирыстоны алкæмæн дæр хæсты темæ у зынаргъ. Дзæуджыхъæуæн хуымæтæджы æфсæддон намысы горæты ном нæ радтой. Йæ рæстæджы мингай адæмтæ ацыдысты фронтмæ. «Уæлахизы Эстафетæ» Цæгат Ирыстоны территорийы цæудзæн 30-æм апрелы онг, Мæздæджы, Елхоты, Буроны, Цыколайы, Алагиры, Суаргомы уылты, æмæ фæуыдзæн Дæллаг Зæрæмæджы уадзæн пункты. Уæ зæрдыл уын æрлæууын кæндзыстæм, маршрут цæуы паддзахадты æддаг арæнтыл Брестæй Мæскуыйы онг.
