11 июня 2025, 10:37
Дзæуджыхъæуы дарддæр ивынц лифтытæ
Ныртæккæ куыстытæ уыцы иу рæстæг æххæстгонд цæуынц 17 раны
Дзæуджыхъæуы дарддæр ивынц лифтытæ. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Ныртæккæ куыстытæ уыцы иу рæстæг æххæстгонд цæуынц 17 раны. Ног кæнынц 57 лифты. Кусдзысты сабырдæр, цæрджытæн уыдзысты æдасдæр æмæ æнцонвадатдæр. Æдæппæтæй Дзæуджыхъæуы баивдзысты 102 лифты 34 бирæфатерон хæдзары. Уæвгæ, фæстаг 7 азмæ бындурон цалцæджы программæмæ гæсгæ специалисттæ баивтой 334 лифты. Æппæт куыстытæ конд цæуынц таможняйы цæдисы техникон регламентмæ гæсгæ. Ацы хъуыддаг дарддæр æххæстгонд цæудзæн горæты иннæ бирæфатерон хæдзæртты дæр, загъта Сергей Меняйло.
темæмæ гæсгæ
