Ныридæгæн хатдзæгтæ скодтой аивгæнинаг объектты хъæлæс кæнынæн
Дзæуджыхъæуы 2026-æм азы саив кæндзысты 18 фæлладуадзæн зонæйы. Ныридæгæн хатдзæгтæ скодтой аивгæнинаг объектты хъæлæс кæнынæн. Куыстытæ цæуынц национ проект «Цардæн инфраструктурæ»-йы федералон проект «Горæты æнцонвадат архайд» æххæст кæнгæйæ. Хыгъдмæ хаст æрцыдысты сквертæ, аллеятæ æмæ Терчыбылгæрæтты уаццæгтæ. Се хсæн — Джыккайты Шамилы, Хъæбæлоты Билары, Шмулевичы, Гагарины, Леоновы, Куйбышевы уынгты, Фыццæгæм поликлиникæйы районы, Къостайы проспекты, Мæсковскийы соса фæндаджы, Цæгат Ирыстоны паддзахадон академион театры алфамбылай, стæй Хетæгкаты Къостайы номыл культурæйы æмæ фæлладуадзæн парчы. Объектты зæронд асфальт баивдзысты брусчаткæйæ, сæвæрдзысты рухсгæнæнтæ, бандæттæ æмæ урнæтæ. Кæцыдæр зонæты сæвæрдзысты чысыл архитектруон формæтæ. Хæстæгдæр рæстæг райдайдзысты проектон-сметон документаци цæттæ кæнын
