Сæйраг фарста – ветерантæн æххуыс кæныны къабазы федералон æмæ республикон закъон царды куыд æххæстгонд цæуы, уый
Æфсæддон цауты ветеранты фарстаты фæдыл æмбырд ацыд республикæйы хæлардзинады хæдзары. Сæйраг фарста – ветерантæн æххуыс кæныны къабазы федералон æмæ республикон закъон царды куыд æххæстгонд цæуы, уый. Фембæлд арæзт æрцыди республикæйы национ политикæйы æмæ æддагон бастдзинæдты министрады, Цæгат Ирыстоны адæмты хæлардзинады хæдзары æмæ Дзæуджыхъæуы æхсæнадон советы хъæппæрисæй. Æмбырды архайджытæ æрныхас кодтой æфсæддон цауты ветерантæ цы къуылымпыдзинæдтимæ æмбæлынц, æмæ сын сæ риссаг фарстатæ алыг кæнынмæ чи æмæ куыд æххуыс кæны, ууыл. Куыд фæнысан кодтой, афтæмæй ацы категорийы адæмы цардархайд æнцондæр кæныны хъуыддаджы хъæуы иумæйагæй æмæ æмдыхæй кусын.
