Æрныхас кодтой туризмы, спорты, ахуырады, наукæйы æмæ фæсивæдон политикæйы рæзты фарстатыл
Цæгат Ирыстоны Сæргълæууæг Сергей Меняйло æмæ Уæрæсейы Федерацийы Хицауады сæрдары хæдивæг Дмитрий Чернышенкойæн уыд кусæг фембæлд Мæскуыйы. Æрныхас кодтой туризмы, спорты, ахуырады, наукæйы æмæ фæсивæдон политикæйы рæзты фарстатыл. Дмитрий Чернышенко загъта, Уæрæсейы Хицауады сæйрагдæр хæстæй иу кæй у мидтуризмы рæзт. Цæгат Ирыстоны уникалон æрдз æмæ культурæ сæхимæ лвасынц бæлццæтты. Уыцы къабазы рæзтæн республикæ активонæй архайы паддзахадон æххуысы мадзæлттæй. Ахсджиаг ма у 2030-æм азмæ нæ бæстæйы 70% цæрджыты ргом физкультурæ æмæ спортмæ здахын, – загъта вице-премьер. Наукæ æмæ фæсивæдон политикæйы къабазы рæзтæн ахадгæ у национ проект «Фæсивæд æмæ сывæллæттæ». Уымæй дарддæр арæзт цæуынц скъолатæ, рæвдауæндæттæ æмæ æндæр ахсджиаг объекттæ.
