13 августа 2025, 10:39
Дзæуджыхъæуы райдыдтой Таматы Владимиры уынджы аллея аив кæнын
Куыстытæ æххæстгонд цæуынц муниципалон программæ «Аивдзинад æмæ цъæх фæлыст»-мæ гæсгæ
Дзæуджыхъæуы райдыдтой Таматы Владимиры уынджы аллея аив кæнын. Куыстытæ æххæстгонд цæуынц муниципалон программæ «Аивдзинад æмæ цъæх фæлыст»-мæ гæсгæ. Фыццаг къæпхæны специалисттæ сисдзысты зæронд бордюртæ æмæ къахвæндæгты уæлцъар. Аллеяйы бындур куы сцæттæ уа, уæд дзы сæвæрдзысты ног бордюртæ æмæ поребриктæ, брусчаткæ. Сцалцæг ма кæндзысты рухсытæ дæр. Фæлладуадзæн зонæйы фæзындзæн бандæттæ æмæ урнæтæ. Иннæ аз цалцæггæнæн куыстытæ дарддæр ахæццæ кæндзысты Кировы уынгæй Толстойы уынджы онг.
темæмæ гæсгæ
