Сæрдыгон студентон æмбырд баиу кодта Уæрæсейы уæлдæр ахуыргæнæндæтты 120 студенты æмæ рауагъдоны Цæгат æмæ Хуссар Ирыстонæй
Дæргъæвсы уыд фæсивæдон лагерь «Æрыгон»-ы кæронбæттæн бон. Сæрдыгон студентон æмбырд баиу кодта Уæрæсейы уæлдæр ахуыргæнæндæтты 120 студенты æмæ рауагъдоны Цæгат æмæ Хуссар Ирыстонæй. Мадзал нæ республикæйы арæзт æрцыд дыккаг хатт. Йæ саразыныл бакуыстой зонындзинæдты Центр «Машук»-имæ иумæ. Программæйы уыдысты рухстауæн лекцитæ, тренингтæ командæтæ аразынæй æмæ хиуыл кусынæй, диалог æмæ проекттæ аразынæй. Цалдæр боны программæмæ гæсгæ фæсивæд фембæлдысты сæрмагонд æфсæддон операцийы архайджытимæ, культурæйы кусджытимæ, спортсментимæ, Уæрæсейаг æхсæнад «Знание»-йы лектортимæ. Программæмæ хаст æрцыдысты, арты цур ирон традицитимæ баст изæртæ, национ кæфтытæй дæсныйадæвдисæг ахуыртæ æмæ спортивон ерыстæ.
