Архайынц дзы 25 командæйы Уæрæсейы алы регионтæй
Уæллаг Фыййагдоны цæуы цымыдисаг спортивон мадзал – футболон фестиваль. Архайынц дзы 25 командæйы Уæрæсейы алы регионтæй. Хъæзтытæ цæуынц æртæ кары къорды. Цæгат æмæ Хуссар Ирыстонæй дзы архайынц 7 командæйы. Уымæй дарддæр хæххон уæлдæфы цæуынц дæсныйадæвдисæг ахуыртæ æмæ конкурстæ. Ахæм мадзæлттæ фæнд кæнынц æндæр регионты дæр аразын. Спортивон фестиваль фæуыдзæн абон. Бæлвырддæр хабæрттæ радзурдзæн Чехойты Фатимæ.
Адæмон кæфтытæ, алæмæты рæсугъд пейзажтæ æмæ хохаг сыгъдæг уæлдæф. Сывæллæтты футболон фестиваль Уæллаг Фыййагдоны сæмбырд кодта 25 командæйы Уæрæсейы алы регионтæй. Йæ архайджыты *хсæн – чысыл Цхуырбаты Алыксандр Цхинвалæй, командæ «Фыранчы» размæбырсæг. Футболæй хъазын сцымыдис 4 азы размæ. Йæ ныхæстæм гæсгæ, йæ рагæй фæндыд ахæм стыр турниры архайын. Кæд æм бирæ азты фæлтæрддзинад æма ис, æмæ йæ кармæ гæсгæ æрыгон у, уæддæр æууæнды, йæ командæ приз кæй рамбулдзæн, ууыл.
Фестиваль байгом кæныны кадджын мадзалы спортсментæн арфæйы ныхæстæ ракодта футболон Медиалигæйы архайæг Даниил Крапивников. Сывæллæттæн йæ уынд тынг æхсызгон уыд. Йемæ истой сæ къамтæ, лæвæрдтой йæм фæрстытæ.
Фестивалы фæлгæты арæзт æрцæудзысты футболон матчтæ 3 кары къордты *хсæн. Цæгат æмæ Хуссар Ирыстонæй дзы архайынц 7 командæйы. Уымæй уæлдай, футболисттæн сараздзысты алыхуызон дæсныйадæвдисæг ахуыртæ æмæ конкурстæ. Ахæм мадзæлттæ ацæудзысты бæстæйы иннæ регионты дæр.
Фестивалы фыццаг бон балæвар кодта бирæ æхсызгон æнкъарæнтæ. Ам æрыгон футболисттæн фадат ис сæ дæсныйад равдисынæн, бæстæйы раззагдæр клубтæм бахауыны тыххæй. Сывæллæтты футболон фестиваль цæуы 3 боны. Хуыздæр спортсментæн радтдзысты кубоктæ, майдантæ æмæ Кады гæххæттытæ, уымæй уæлдай архайджытæн се *ппæтæн дæр бацæттæ кодтой зæрдылдарæн лæвæрттæ.
