Уый тыххæй аппаратон æмбырды фехъусын кодта Хицауады сæрдар Дзанайты Барис
Зынгсирвæзтытæ не руадзыны тыххæй, куыст фæхъомысджындæр кæнын, æмæ æнæнхъæлæджы уавæрты министрады амынддзинæдтæ æххæст кæнын. Уый тыххæй аппаратон æмбырды фехъусын кодта Хицауады сæрдар Дзанайты Барис. Томайты Ирбег куыд радзырдта, афтæмæй республикæйы быдырты æмæ хæххон районты ныртæккæ тынг тæссаг у зынгсирвæзтытæй. Сæрмагонд фæтк фидаргонд æрцыд 7 районы 49 хъæуы. Æдæппæтæй ивгъуыд къуыримæ зынгхуыссынгæнджытæ скуынæг кодтой 134 зынгсирвæзты. Районты администрациты сæргълæуджытæн бабар кодтой муниципалон скондты территориты бархионты командæтæ скæнын. Афоныл территоритæ хус кæрдæгæй æмæ бырæттæй сыгъдæг кæнын, стæй зынгсирвæзтыты ныхмæ æдасдзинады домæнтæ æххæст кæнын. Бынæттон хиуынаффæйады оргæнтæн бабар кодтой ведомствоты хсæн кусæг къордты цæстдарæн куыст дарддæр кæнын. Æппæт домæнтæ æххæст кæнынмæ цæстдард бабар кодтой Томайты Ирбегæн. Æмбырды ныхас цыд цæрæнуæтты-коммуналон секторы архайдыл дæр. Профилон министры хæдивæг Надгериты Батраз куыд фехъусын кодта, афтæмæй ныртæккæ активонæй цæттæ кæнынц фæззыгон-зымæгон сезонмæ. Йæ цæттæдзинад у 76%. Ацы къуыри хатдзæгтæ скæндзысты Æппæтуæрæсеон конкурс «Чысыл горæттæ æмæ историон бынæттæн». Цæгат Ирыстон иннæ азмæ курдиæттæ балæвæрдта Æрыдонæй, Дигорайæ æмæ Мæздæгæй. Ацы аз проектмæ гæсгæ æхсæнадон территоритæ аивгонд цæуынц Алагиры, Беслæны æмæ Мæздæджы. Дзанайты Барис ма йе ргом аздæхта республикæйы транспортон системæмæ. Транспорты Комитеты сæрдары хæстæ æххæстгæнæг Хъараты Зауырбег куыд фехъусын кодта, афтæмæй июлæй фæстæмæ арæзт цæуынц ведомствоты хсæн рейдтæ. Æмтгæй райсгæйæ, сбæрæг кодтой æхсæнадон транспорты 400 машинæйы.
