филиал вгтрк государственная телерадиовещательная компания “Алания”

Дзæуджыхъæуы Доны станцæйы районы дарддæр цæуы ацæргæ адæмæн æмæ инвалидтæн ног хæдзар-интернаты арæзтад. Ныртæккæ æххæстгонд цæуынц бетон æмæ амайæн куыстытæ, æвæрынц рудзгуытæ, коммуникацитæ. Ацы къуыри райдыдтой æддаг хызты куыст кæнын. Уый тыххæй йæ телеграм-каналы радзырдта республикæйы сæргълæууæг Сергей Меняйло. Нырыккон социалон кусæнуаты уыдзæн 200 бынаты. Уыдзæн дзы 1, 2, æмæ 3-бынатон агъуыстытæ, тезгъогæнæн аллеятæ, оранжерейæ æмæ дукани. Мидæгæй та – библиотекæ, компьютерон кълас, кинозал, спортивон зал, хæрæндон, медицинон кабинеттæ. Арæзтад æххæстгонд цæуы национ проект «Бинонты» æххуысæй.