23 августа 2025, 09:46
Æхсæнадон æххуысы штабы схорзæхджын кодтой æппæтадæмон патриотон акци «Уæлахизы диктант»-ы уæлахиздзауты
Саккаг сын кодтой кады гæххæттытæ æмæ лæвæрттæ
Парти «Иугонд Уæрæсе»-йы æхсæнадон æххуысы штабы схорзæхджын кодтой æппæтадæмон патриотон акци «Уæлахизы диктант»-ы уæлахиздзауты. Саккаг сын кодтой кады гæххæттытæ æмæ лæвæрттæ. Æдæппæтæй республикæйы историон тест ныффыссынæн уыд 220 фæзы онг. Акцийы архайдтой депутаттæ, министрадты æмæ ведомствæты, æхсæнадон организациты минæвæрттæ, студенттæ æмæ скъоладзаутæ. Хъуыдис сæ 45 минутмæ 25 фарстæн дзуапп раттын. Баст уыдысты Фыдыбæстæйы Стыр хæсты темæимæ. Хæслæвæрдты иу хай та – сæрмагонд æфсæддон операциимæ. Акци сси æрвылазон. Ацы аз «Уæлахизы диктант» фыстой 7-æм хатт.
темæмæ гæсгæ
