32 финалисты базыдтой сæ разамонджыты нæмттæ
Ахуырадон программæ «Ирыстоны Намыс» æрхæццæ йæ сæйраг хаймæ. 32 финалисты базыдтой сæ разамонджыты нæмттæ. Сты алы æмвæзады хицаудзинады оргæнты минæвæрттæ. Сæ иу – Уæрæсейы хъæбатыр, фæллойы æмæ социалон рæзты министр Абайты Юрий. Уый архайдта кадрты федералон программæ «Хъæбатырты рæстæджы». Паддзахадон службæйы сусæгдзинæдтæ базыдта Цæгат Ирыстоны Сæргълæууæг Сергей Меняйлойы разамындæй. Ныр та йæхæдæг у разамонæг. Кусдзæн сæрмагонд æфсæддон операцийы ветеран Валерий Васильевимæ. Хæстæгдæр бонты сфидар кæндзысты алы ведомствоты стажировкæйы пълан. Разамонджытæй иу у Парламенты спикер Тускъаты Таймураз. Йæ бæрны чи ис, уыимæ стыр æргом здахдзæн практикон ахуыртæм. Уымæ гæсгæ программæйы финалист архайдзæн закъонæвæрæг æмбырдты, кусæг фембæлдтыты. Финалисттимæ æмæ сæ разамонджытимæ сæмбæлд республикæйы сæргълæууæг Сергей Меняйло. Куыд загъта, афтæмæй сæйраг мадзал уыдзæн кадрты ивддзинæдтæ. Фыццаг ахуырадон модуль цæудзæн 10 боны. Архайджытæ зонгæ кæндзысты политикæимæ, паддзахадон разамынды системæимæ, экономикæ æмæ финанстимæ. Модульты хсæн уыдзысты дистанцион курсытæ дæр. Программæ арæзт у 2026-æм азы онг.
