Хайад æрбынат кодта горæты астæу, Тамайы-фырты æмæ Дзанайты Иваны уынгты тигъыл
Республикæйы дондзæуæн куыстуатæн Дзæуджыхъæуы байгом ног абонентон пункт. Хайад æрбынат кодта горæты астæу, Тамайы-фырты æмæ Дзанайты Иваны уынгты тигъыл. Офисы кусынц лæггæдты 11 стъолы. Уым абоненттæн сæ бон у алыхуызон лæггæдтæ райсын: райдай курдиæттæ исынæй, æмæ цæрæнуæтты-коммуналон хæдзарады лæггæдтæн бафидынæй фæуы. Ног бæстыхайы фиддонтæ бахæссæн ис газæн, электрон тыхæн, бырæттæ ласынæн æмæ бындурон цалцæгæн. Æрæджы ма ахæм пункт байгом кодтой Къостайы проспекты 218-æм хæдзары. Мобилон лæггæдты хыгъды хсæн уæлæмхасæн æвæрæн «Вода Онлайн»-æй пайда кæнынц бирæ фæлхасгæнджытæ. Хъæппæрисы фарс рахæцыд Хицауады Сæрдар Дзанайты Барис. Уый базонгæ офисы куыстимæ æмæ аныхас кодта специалисттимæ.
