Æнхъæлцау сылгоймæгтæн фиддон нымад цæуы, регионы цæрынæн æппынкъаддæры бæрцмæ гæсгæ
Уæрæсейы Социалон фонды цæгатирыстойнаг хайад ацы азы райдианæй иу хатты фиддон снысан кодта 35 мин сывæллонæй фылдæры ныййарджытæн. Æнхъæлцау сылгоймæгтæн фиддон нымад цæуы, регионы цæрынæн æппынкъаддæры бæрцмæ гæсгæ. Сывæллæттæн та – сабитæн фиддонтæм гæсгæ. Аивтой ма, пособи нысан кыныны рæстæг, æфтиæгты хыгъды уавæртæ. Ацы азы райдианæй, кусын йæ бон кæмæн у, ахæм бинонты уæнгæн фиддон хъуамæ, цæрынæн æппынкъаддæры 4 хатты бæрцæй къаддæр ма уа. Уыимæ хъуамæ фылдæр ма уа регионалон æмвæзадæй. Ивддзинæдтæ нæ хауынц, бæлвырд аххосæгтæм гæсгæ уыцы мгъуыд чи нæ куыста, ахæм ныййарджытæм.
Уымæй дарддæр ма 1-æгæм сентябрæй фæстæмæ æнхъæлцау сылгоймæгтæн, стæй боныгон ахуыры системæйы студенткæтæн пособитæ фиддзысты регионалон æппынкъадæры бæрцы æмвæзадыл. Раздæр уыцы фиддон аразгæ уыд стипендийæ. Курдиат бадæттæн ис Паддзахадон лæггæдты порталы уылты, стæй социалон фонды республикон хайады клиентон службæйы, кæнæ Бирæвæрсыг Центрмæ бацæугæйæ.
