Республикæйы гимны зæлтæм 2-æм скъолайы кадеттæ систой ног тырыса
Цыколайы администрацийы ацыд каджын мадзал – адæмы размæ рахастой хæуы тырыса æмæ герб. Республикæйы гимны зæлтæм 2-æм скъолайы кадеттæ систой ног тырыса. Æрæфы районы сæргълæууæг Хæмыхъоты Роберт арфæйы ныхæстæ ракодта мадзалы архайджытæн, загъта, культурæ æмæ традицитæ æххæст кæнын ахсджиаг кæй у, уый. Ирыстоны адæмон поэт, литературæиртасæг, публицист, æхсæнадон архайæг, Уæрæсейы фысджыты Цæдисы уæнг, национ преми «Нарты фæткъуы»-йы лауреат, республикæйы культурæйы сгуыхт кусæг Бабочиты Руслан Цыколайы гимны зæлтæм бакаст йе *мдзæвгæтæ. Мадзалы эскизты автор Тауаситы Астемырæн лæвæрд æрцыд Цыколайы администрацийы сæргълæууæджы Кады гæххæтт. Уæлдай цæстдард æрцыд сæрмагонд æфсæддон операцийы архайæг Биазырты Артурмæ. Æфсæддонæн фырт кæй райгуырд, уыцы хорз хабары тыххæй йын Гасанты Мурат саккаг кодта зæрдылдарæн лæвар. Артуримæ сæрмагонд æфсæддон операцимæ арвыстой хъæуы тырыса, иудзинад *вдисынæн, цæмæй æфсæддонтæ сæхиуыл æнкъарой адæмы *ххуыс æмæ сæ хæдзæрттыл уæлахизимæ сæмбæлой. Кадджын мадзал бацахста аккаг бынат Цыколайы историйы. Ацы бон хъæуы цæрджытæ бирæ азты сæ зæрдыл дардзысты, куыд ирд цау, традицитæ хъахъхъæныны, райгуырæн зæххмæ сæрыстырдзинад *вдисæг æмæ хъæуы фидæны рæзтмæ тырнындзинады мадзал.
