Сызгъæрин майдан 115 килограммæй фылдæры категорийы рамбылдта Къæбысты Нукри
Æппæтуæрæсеон ерысты сумойæ «Кубок Черного моря» ирыстойнаг спортсментæ рамбылдтой 6 хæрзиуæджы. Сызгъæрин майдан 115 килограммæй фылдæры категорийы рамбылдта Къæбысты Нукри. Ацы уæзы ма Агънаты Алхаст æмæ Тасойты Алик систы æвзист майданты хицæуттæ. Уыимæ ма Тасойты Алик рамбылдта бронзæ хæрзиуæг дæр. Абсолютон категорийы бронзæ призертæ систы Быценты Дмитрий æмæ Рæмонты Ацæмæз. Æппæт ирыстойнаг атлеттæ хъахъхъæдтой республикæйы физкультурæ æмæ спорты министрады хъæбысхæсты спортивон скъолайы кад. Лæппуты бацæттæ кодтой тренертæ-ахуыргæнджытæ Рæмонты Эдуард æмæ Хъазиты Ацæмæз. «Кубок Черного моря» нæлгоймæгты æмæ сылгоймæгты хсæн, стæй 19 азы онг лæппуты æмæ чызджыты хсæн арæзт æрцыд Сочийы, паддзахадон программæ «Уæрæсейы спорт» æххæст кæнгæйæ.
