Уый тыххæй æрвылкъуырион аппаратон æмбырды фæхъусын кодтой республикæйы фæлхасадмæ цæстдарды управленийы минæвæрттæ
Специалистты бæрæггæнæнтæм гæсгæ, ивгъуыд къуырийы фæбæрзонддæр хæцгæ низты æмвæзад. Уый тыххæй æрвылкъуырион аппаратон æмбырды фæхъусын кодтой республикæйы фæлхасадмæ цæстдарды управленийы минæвæрттæ. Ведомствæйы куыд зæгъынц, афтæмæй рабæрæг коронавирусы ног 15 цауы дæр. Æмбырды ныхас цыди Арвы комы фæндагыл дæр. Вице-премьер Томайты Ирбег фехъусын кодта, электрон рады кæй лæууы 2 мины æмæ 5 сæдæ машинæйы. Цæгат Ирыстоны уæзласæн машинæтæ æгæр бирæ кæй æрæмбырд, уымæ гæсгæ республикæйы фæнд кæнынц сæрмагонд фæтк снысан кæнын. Аппаратон æмбырды æрдзырдтой оперативон уавæрыл дæр. Мидхъуыддæгты министрады минæвæрттæ куыд фехъусын кодтой, афтæмæй къуыримæ республикæйы æрцыди 14 фæндаггон фыдбылызы. Хъыгдард дзы баййæфтой 22 адæймавджы æмæ дзы фæмард сты æртæйæ.
