Уазджытæн бацæттæ кодтой цымыдисаг программæ: бæгæныйы алы хуызты дегустаци, национ хъæзтытæ, концерт
Цæгат Ирыстоны уыд ирон бæгæныйы æппæтадæмон фестиваль. Уазджытæн бацæттæ кодтой цымыдисаг программæ: бæгæныйы алы хуызты дегустаци, национ хъæзтытæ, концерт. Финалисттæ уыдысты Уæрæсейы алы регионтæй æмæ дунейы иннæ бæстæтæй, сæ хыгъды Америкæ, Турк æмæ Франци. Æдæппæтæй уыдысты 20. Бæстондæр радзурдзæн Хъайтмазты Дзерассæ.
Æвзæр боны ахаст нæ бахъыгдардта фестивалы уазджыты æмæ архайджыты ирон бæгæныйы дæсгай хуызтæн аргъ скæнын. 20 финалисты национ нозт сцæттæ кодтой уникалон рецепттæм гæсгæ. Се *хсæн – Æрæфы районы минæвар Хъараты Дианæ дæр. Рецепт ын бацамыдта йе *фсин, иуæй-иу компоненттæ сусæг кæны се *ппæтæй дæр. Дианæ куыд зæгъы, афтæмæй йæ бæгæны алкæй зæрдæмæ дæр фæцæудзæн.
Бæгæны фыцыны ерыс кодта Наниты Захар дæр. Бирæ рæстæг цæры Францийы. Дыккаг аз йæ уарзон республикæмæ æрбацæуы фестивалы бацархайынмæ. Куыд зæгъы, афтæмæй национ нозты рецептыл бирæ куыста.
Уазджытæн бацæттæ кодтой цымыдисаг программæ: ирон музыкалон номертæ, æрмдæсныты равдыст, дæсныйадæвдисæг ахуыртæ, национ хъæзтытæ æмæ этнохуызы фотозонæ. Уыдис ма ирон чъириты æмæ бæгæныйы дегустаци дæр. Фестиваль сæмбырд кодта бирæ адæмы æмæ сæ алчидæр райста рæсугъд æнкъарæнтæ.
Ирон бæгæныйы фестиваль арæзт цæуы 2010-æм азæй фæстæмæ, æмæ азæй азмæ йæ географи уæрæхдæр кæны. Ацы аз дзы архайдтой Ирыстоны минæвæрттæ æрмæст Уæрæсейы алы регионтæй нæ, фæлæ ма фæсарæйнаг бæстæтæй – Францийæ, Туркæй, Италийæ…
Ацы мадзал иу кæны, ирон бæгæны фыцыны культурæ бахъахъхъæнын æмæ йæ парахат кæнын кæй фæнды, уыцы адæмы. Мадзал аразджытæ сты Цæгат Ирыстоны культурæйы министрад æмæ адæмон сфæлдыстады республикон хæдзар.
