Амыдта йæ хицауады сæрдар Дзанайты Барис
2026-æм азы районты бюджетты сæйраг фарстатыл æрныхас кодтой сæрмагонд æмбырды. Амыдта йæ хицауады сæрдар Дзанайты Барис. Архайдтой дзы финансты министры хæстæ рæстæгмæ æххæстгæнæг Оксана Карова, Парламенты минæвæрттæ, районты финансон управлениты разамонджытæ, стæй муниципалон скондты сæргълæуджытæ. Уыдон бæстон радзырдтой фидæны азы сæйраг финансон документы тыххæй. Стыр æргом аздæхтой, цæрджыты раз социалон хæстæ сæххæст кæнынмæ. Дзанайты Барис се ппæты зæрдыл æрлæууын кодта, куыд ахсджиаг у муниципалон скондты бюджеттыл бакусын. Уымæй аразгæ сты районты æмæ бынæттон цæрджыты æмбæлгæ уавæртæ. Уыимæ кусын хъæуы хи æфтиæгтæ фылдæр кæныныл. Уæдæ ахсджиаг у бюджетон къабазы кусджытæн мызд афоныл фидыны фарста. Алы районы территорийы дæр арæзт æмæ цалцæггонд цæуынц социалон объекттæ. Ифтонг сæ кæнынц нырыккон кусæнгæрзтæй. Уый тыххæй субъект архайы паддзахадон программæты æмæ национ проектты. Республикæйы сæргълæууæг Сергей Меняйло цы хæстæ сæвæрдта, уыдон хъæуы æххæст кæнын, – бахынцта премьер-министр. Районтæ хъуамæ кусой бынæттон бюджетты æфтиæгты хай фылдæр кæныныл.
