Уæлахаздзаутæн арфæ ракодта Сергей Меняйло. Номинаци «Прозæ»-йы уацмыс «Советон бæгъатыр Милдзыхты Хадзымырзæ»-йы тæххæй хорзæхгонд æрцыди Мырыкаты Артемий
Цæгат Ирыстоны Хицауады хæдзары кадджын уавæры хорзæхгонд æрцыдысты Хъамбердиаты Мысосты номыл паддзахадон премийы лауреаттæ. Уæлахаздзаутæн арфæ ракодта Сергей Меняйло. Номинаци «Прозæ»-йы уацмыс «Советон бæгъатыр Милдзыхты Хадзымырзæ»-йы тæххæй хорзæхгонд æрцыди Мырыкаты Артемий. Номинаци «Поэзи»-йы та Куыдзилты Камиллæ. Уый ныффыста æмдзæвгæ «Ирыстон – мæ кад мæнæн, мæ зæрдæ». Лауреаттæн арфæгæнгæйæ, Сергей Меняйло загъта, республикæйы бирæ ахуыргонд, сфæлдыстадон æгъдауæй активон фæсивæд кæй ис, уый. Разæнгард кæнын сæ хъæуы алыхуызон егъау конкурсты архайынмæ. Æхсызгон у, конкурсон æвзæрстмæ ирон æвзагыл уацмыстæ хаст кæй æрцыди, уый. Зæрдæ дарæн ис, национ литературæ дарддæр дæр кæй рæздзæн, ууыл. Авторты æрыгон фæлтæр та бахъахъхъæндзæн, нæ хистæртæ нын цы хъæздыг сфæлдыстадон бынтæ ныууагътой, уыдон, стæй ма сыл ноджыдæр бафтаудзæн. Сергей Меняйло уæлдай бузныг загъта, не мзæххон номдзыд хæстон Милдзыхты Хадзымырзæйы тыххæй уацмысы тыххæй. Хъамбердиаты Мысосты номыл паддзахадон преми нысангонд æрцыди 2013-æм азы. Радтынц æй 2 азы иу хатт, 35 азы онг кæуыл цæуы, ахæм автортæн оригиналон литературон уацмысты тыххæй.
