Валерий Васильев рамбылдта сызгъæрин майдан стъолыл теннисæй. Хъалæгаты Таймураз æвзист майданы хицау сси мысан æхсыны ерысты
Сæрмагонд æфсæддон операцийы ветерантæ Цæгат Ирыстонæй рамбылдтой 6 хæрзиуæджы, регионты хсæн Кубок рамбулыны ерысты Налцыччы. Валерий Васильев рамбылдта сызгъæрин майдан стъолыл теннисæй. Хъалæгаты Таймураз æвзист майданы хицау сси мысан æхсыны ерысты. Стъолыл теннисæй æмæ кард æппарынæй(метание ножа) æвзист майдантæ рамбылдтой Николай Иванеев æмæ Дудайты Марат. Бронзæ майдан мысан æхсынæй рамбылдта Цхуырбаты Зауырбег. Годжысаты Сослан та пауэрлифтингæй. Ерысты хатдзæгтæм гæсгæ нæ иугон командæ бацахста 4-æм бынат. Ерысты архайдтой сæрмагонд æфсæддон операцийы 70 ветераны Цæгат Кавказы федералон зылды 7 регионæй. Мадзал арæзт æрцыд, паддзахадон программæ «Уæрæсейы спорт» æххæст кæнгæйæ.
