11 октября 2025, 09:37
Дзæуджыхъæуы фыццаг хатт арæзт æрцыд Уæрæсейы горæтты Цæдисы Съезд
Ахæм æмбырд Цæгат Кавказы федералон зылды фæстаг хатт арæзт æрцыд 12 азы размæ Махачкалайы
Дзæуджыхъæуы фыццаг хатт арæзт æрцыд Уæрæсейы горæтты Цæдисы Съезд. Ахæм æмбырд Цæгат Кавказы федералон зылды фæстаг хатт арæзт æрцыд 12 азы размæ Махачкалайы. Абон Цæдисы хыгъды ис 102 уæрæсейаг горæты. Цæгат Ирыстонмæ ссыдысты нæ бæстæйы 73 горæты минæвæрттæ. Балцы программæмæ гæсгæ уазджытæ дидинджытæ сæвæрдтой Намысы Мемориалы. Уый фæстæ сын арæзт æрцыд нæ горæтыл экскурси. Сæйраг мадзал та уыд – Уæрæсейы горæтты Иумæйаг æмбырд. Боны фæткмæ рахастой цалдæр ахсджиаг фарстайы: сæрмагонд æфсæддон операцийы ветеранты психологон адаптаци, Цæдисмæ ног горæттæ райсын, культурон бынтæ бахъахъхъæнын, стæй Уæрæсейы горæтты социалон-экономикон рæзт.
