Ссардтой дзы, Цæгат Кавказы арæзтадон техникумы рауагъдонтæй, сæрмагонд æфсæддон операцийы чи фæмард, уыдоны нæмттæ
Дзæуджыхъæуы арæзт æрцыд спортивон хъæбысхæст панкратионæй кубок рамбулыны гом турнир. Ссардтой дзы, Цæгат Кавказы арæзтадон техникумы рауагъдонтæй, сæрмагонд æфсæддон операцийы чи фæмард, уыдоны нæмттæ. Ерыстæ цыдысты 2 боны. Архайдтой дзы республикæйы 13 спортивон клубы хъомылгæнинæгтæ. Æдæппæтæй 250 адæймагæй фылдæр. Бæлвырддæр радзурдзæн Хъайтмазты Дзерассæ.
Фæуæлахиз уæвыны фæндон æдзух разæнгард кæны. Куыд командæйы æмæ тренеры æххуыс дæр, афтæ. Сæрмагондæй уый фæрцы бантыст Гусалты Хъазыбегæн ныхмæлæууæгыл фæуæлахиз уæвын. 10 азы йеддæмæ йыл нæма цæуы. Уыдонæй цыппар азы архайы спортæй. Ныр та ма сси панкратионæй турниры чемпион.
Чемпионы титул ис Бичерахты Аминæмæ дæр. Цæуы йыл 11 азы. Ацы спорты ис афæдзæй чысыл къаддæр. У Елхоты спортивон клуб «Хох»-ы хъомылгæнинаг. Тренировкæ кæны дунейы 6 хатты чемпионмæ паратхэкводнойæ Гæззаты Спартакмæ. Æвзонг чызг йæ размæ æвæры стыр нысантæ.
Спортивон бæрзæндтæм схизын кæй фæнды, уыцы фæсивæдæн дæнцæг суыдзæн Давид Гасанбековы фæндаг. Уæрæсейы 5 хатты чемпион панкратионæй Дзæуджыхъæуы турниры у сæйраг тæрхонгæнæг. Хорз зоны, бирæ сахатты тренировкæтæн залы цавæр хатдзæгтæ уыдзæн, уый. Турниры архайджыты цæттæдзинадæн бæрзонд аргъ скодта.
Спортивон хъæбысхæст панкратионæй кубок рамбулыны гом турнир сæмбырд кодта 250 архайæгæй фылдæр республикæйы 13 клубæй. Спортсментæ сæ кармæ гæсгæ уыдысты, 6 азæй райдай æмæ уымæй хистæр. Фыццаг бон ерыс кодтой 13 азы онг лæппутæ æмæ чызджытæ. Давид Богданов фыццаг бон тæрхон кодта кæстæр спортсменты ныхмæлæудæн, дыккаг бон та йæхæдæг архайдта майдан рамбулыныл. Панкратионæй фæстæмæ ма архайдта къуххæстæй, самбойæ. Уыд алыхуызон æппæтуæрæсеон турнирты.
Панкратионæй турнир уыд Цæгат Кавказы арæзтадон техникумы. Ссардтой дзы, ахуыргæнæндоны рауагъдонтæй, сæрмагонд æфсæддон операцийы чи фæмард, уыдоны нæмттæ.
Панкратионæй кубок рамбулыны гом турнир хорз гæнæн у, ацы спорты фыццаг къахдзæфтæ чи кæны, уыдонæн сæхи равдисынæн. Спорты ацы универсалон хуызы баиу сты алыхуызон хъæбысхæстыты элементтæ – дзюдойы, самбойы, боксы.
Хæрзиуджытæ саккаг кодтой æрмæст ерысты уæлахиздзаутæн æмæ призертæн нæ. Спортсментимæ чи кусы, уыцы тренертæн радтой бузныджы фыстæджытæ.
