Адæм æрбацыдысты алыхуызон фарстатимæ
Дзанайты Барисæн æхсæнадон исæнуаты уыди цæрджытимæ фембæлд. Адæм æрбацыдысты алыхуызон фарстатимæ. Æхсæнадон территориты аивдзинадæй райдай æмæ хи лыггæнинаг фарстаты онг. Афтæ, Курдиæттæй иу баст уыди Комгæроны скъолайы уавæримæ. Хъæуы йæ бындуронæй рацаразын. Профилон министр Алыбекты Эллæ куыд загъта, афтæмæй ахуыргæнæндон сцалцæг кæндзысты иннæ аз национ проект «Фæсивæд æмæ сывæллæттæ» æххæстгæнгæйæ. Сырх-Дугуры цæрæг та æрбацыди хъæуы Ленины уынг саив кæныны курдиатимæ. Цæрæнуæтты-коммуналон хæдзарады, артаг æмæ энеогетикæйы министр Хъараты Тимур фехъусын кодта, объект сæрмагонд программæмæ хаст кæй æрцыди, æмæ куыстытæ иннæ аз апрелы кæй райдайдзысты, уый. Фембæлды уыди æндæр фарстатæ дæр. Зæгъæм, материалон æххуыс, стæм чи сты, ахæм хостæй ифтонг кæнын. Се ппæт фарстатæм дæр цыбыр æмгъуыдмæ сæ цæст æрдардзысты дзуапдæттæг ведомствæтæ.
