Бакуыстой йыл горæт аразыны документацийы бындурыл
Дзæуджыхъæуы рæзты генералон пъланы проекты презентаци арæзт æрцыд горæты администрацийы. Бакуыстой йыл горæт аразыны документацийы бындурыл. Документ дзурæг у горæты территорийы стратегион рæзты ориентиртыл. Цæрæн æмæ коммерцион арæзтæдтæ, инфраструктурæйы объекттæ, цъæх фæлысты зонæтæ. Ног проект æххæст кæнгæйæ, 2036-æм азмæ нысан кæнынц бакусын зæххыты 134 гектары. Саразын дзы цæрæнуæтты 610 квадратон метры. 2046-æм азмæ та ма уæлæмхасæн 338 гектары. Дзæуджыхъæуы промышленнон районæн специалисттæ фæнд кæнынц астæуккаг æмæ чысыл уæладзыгон арæзтæдтæ скæнын. Фæстерчы районы та уыдзысты бирæуæладзыгон. Проектыл кусгæйæ ма снысан кодтой Цæгат Ирыстоны паддзахадон университеты, Дзæуджыхъæуы иувæрсты цæуæг фæндаджы, Дзæуджыхъæу – Ларсы, стæй газуадзæн уаццаг Мæздæг – Тбилисийы рацарæзт. Стæй ма дзы сæвæрдзысты дæлстанцæ 330 киловаттæн. Генералон пъланмæ гæсгæ 2035-æм азы Дзæуджыхъæуы хъуамæ фæзына ног стадион 20 мин бынатæн. Специалисттæ ма рахастой фæндон, спорты галуан «Манеж» рацаразыны тыххæй. Документ аразгæйæ, хынцт цæудзысты профессионалон æхсæнады æмæ горæты цæрджыты хъуыдытæ.
