02 декабря 2025, 10:33
Дзæуджыхъæуы дендрарийы уыд дзыллон зиу
Арæзт æрцыд горæты Æхсæнадон советы хъæппæрисæй
Дзæуджыхъæуы дендрарийы уыд дзыллон зиу. Арæзт æрцыд горæты Æхсæнадон советы хъæппæрисæй. Экологон акци баиу кодта 200 адæймагæй фылдæры. Архайдтой дзы æрмæст Дзæуджыхъæуы нæ, фæлæ Ольгинскæйы скъоладзаутæ дæр, дзюдойы спортивон скъолайы хъомылгæнинæгтæ, медицинон академийы студенттæ, стæй Дзæуджыхъæуы администрацийы æмæ алыхуызон ведомствæты æмæ æхсæнадон кусæнуатты минæвæрттæ. Волонтерты хъуыд парчы фæндæгтæ сыфтæртæй ссыгъдæг кæнын, сæмбырд кæнын къалиутæ. Æдæппæтæй раластой 10 машинæйы бæрц.
темæмæ гæсгæ
