Тыхджындæр разынд 81 килограммæй фылдæр уæзы
Ереваны арæзт æрцыдысты боксæй ерыстæ юниорты хсæн. Йæхи дзы иттæг хорз равдыста не мзæххон Итониаты Самирæ. Тыхджындæр разынд 81 килограммæй фылдæр уæзы. Сæхи категориты хуыздæртæ разындысты нæ иннæ спортсментæ дæр. Се ппæт дæр тырнынц фылдæр æнтыстдзинæдтæм. Æрыгон уæлахиздзауты тыххæй бæстондæр радзурдзæн Чехойты Фатимæ.
Итониаты Самирæ – Европæйы ерыстæ боксæй 17-18 азы кæуыл цæуы, уыдоны уæлахиздзау. Ацыдысты Ереваны. Сси тыхджындæр 81 килограмы уæзы. Фарон та континенты чемпионат рамбылдта. Ацы хатт фæбæлвырд кодта, йæ карæнты *хсæн хуыздæр кæй у, уый. Европæйы ерысты фæстæ йæ рæстæг фæлладуадзгæйæ не *рвыста, фæлæ архайдта æвзарæн турнир «Олимпаг ныфстыты». Æмæ та – сызгъæрин майдан.
Континенты ерыстæ Сербийы сæхи хорз равдыстой иугонд командæйы лæппутæ дæр. 80 килограмы уæзы хуыздæр уыд Хъараты Астемыр. Боксмæ æрбацыд 5 азы размæ æндæр спорты хуызæй. Къуырийы дæргъы 6 боны тренировкæтæн, ерысты размæ та – дывæр хиуыл куыстæн ис хорз хатдзæг.
Иугонд командæйы хæзнадон сызгъæрин майданæй фæхъæздыгдæр кодта Каркуысты Арсæмæг. Боксер архайдта 13-14 азы кæуыл сæххæст, уыцы спортсментимæ. Йæ фыццаг æппæтадæмон ерысты рингмæ рацыд 3 хатты. Йæ ныхæстæм гæсгæ, хатдзæгæй зæрдæрухс у, фæлæ йæ рæдыдтытыл уæддæр кусы.
Ацы зал лæппутыл æмæ чызджытыл дихгонд нæ цæуы. Сæйраг у фидæны хатдзæгтыл куыст. Спортсментæ дарддæр тренировкæтæ кæнынц, ног уæлахизтæм тырнгæйæ.
