Баст у, Ирыстоны цæрджытæй алы азты æфсæддон цауты чи архайдта, уыдонимæ, стæй сæрмагонд æфсæддон операциимæ
И вновь продолжается бой…». Ахæм сæргондимæ патриотон фестиваль цæуы сывæллæтты сфæлдыстады галуаны. Баст у, Ирыстоны цæрджытæй алы азты æфсæддон цауты чи архайдта, уыдонимæ, стæй сæрмагонд æфсæддон операциимæ. Фойейы равæрдтой тематикон равдыст, ирдæй дзы æвдыст цæуы Цæгат Ирыстоны æфсæддон намыс. Экспозицийы алкæмæндæр фадат ис, не мзæххонты æфсæддон фæндагимæ базонгæ уæвынæн æмæ бæстæйы хъахъхъæнынадмæ цы вæрæн бахастой, уый фенынæн. Фестиваль цæуы историон-патриотон проект «Уæлахизы марафон»-ы фæлгæты. Уый та арæзт у «Фыццæгты змæлд»-ы грантты конкурсы æххуысæй. Фестивалы æвдыст цæуынц сæрмагонд æфсæддон операцийы цаутимæ баст документалон кинонывтæ. Архайджыты раз раныхас кæныдзысты министртæ, эксперттæ, æфсæддон уацхæсджытæ. Спикертæ радзурдзысты сæрмагонд æфсæддон операцийы ахадындзинады тыххæй. Фестивалы æртыккаг боны темæ та суыдзæн – бæстæйы бартæ чи хъахъхъæны, уыдонæн æххуыс кæнын.
