Уæрæсейы наукæты сгуыхт архайæг, Уæрæсейы ахуырады академийы уæнг-уацхæссæг, историон наукæты доктор, профессор
89 аздзыдæй йæ цардæй ахицæн зындгонд ахуыргонд, педагог, Ирыстоны фæллойы хъæбатыр, Цæгат Ирыстоны паддзахадон университеты президент Мæхæмæтты Ахуырбег. Уæрæсейы наукæты сгуыхт архайæг, Уæрæсейы ахуырады академийы уæнг-уацхæссæг, историон наукæты доктор, профессор. Уæлдæр ахуыргæнæндоны куыстæн радта æнусы рдæгæй фылдæр. Ахуырбег университеты ректорæй куыста 1990-æмæй – 2006-æм азы онг. Уый фæстæ сси йæ ректор. У 300 наукон куыстæй фылдæры автор. Уымæй дарддæр Мæхæмæтты Ахуырбег уыд журналистты Цæдисы æппæты хистæр кары уæнгтæй иу. Бирæ азты куыста республикæйы дзыллон информацийы фæрæзты, уыимæ Цæгат Ирыстоны радиойы, ныртæккæйы Цæгат Ирыстоны паддзахадон телерадиокомпанийы радиойы дæр. Ахуырбег ма уыд республикæйы Парламенты фондз æмбырды депутат. Æххæст кодта наукæйы, ахуырады, культурæйы æмæ информацион политикæйы комитеты сæрдары хæдивæджы хæстæ. Уымæй дарддæр уыд депутатты этикæйы фарстаты фæдыл къамисы сæрдар. Хорзæхджынгонд æрцыд «Фæллойы Сырх Тырысайы», «Фыдыбæстæйы раз сгуыхтдзинæдты тыххæй» III æмæ IV-æм къæпхæнты ордентæй. Уыд Уæрæсейы Федерацийы наукæйы æмæ техникæйы сгуыхт архайæг, Хетæгкаты Къостайы номыл Паддзахадон премийы лауреат литературæйы къабазы. Мæхæмæтты Ахуырбег стыр æвæрæн бахаста Ирыстоны рæзтмæ. Йæ номыл фæстаг кадгæнæн мадзæлттæ ацæудзысты абон.
