Уый тыххæй уынаффæ хаст æрцыд Хицауады æмбырды
Республикæйы дæрддзæф районты кусынмæ чи ацæудзæн, уыцы физкультурæйы æмæ спорты къабазы кусджытæн цæттæ сты фæйнæ 1 милуан сомы бафидынмæ. Уый тыххæй уынаффæ хаст æрцыд Хицауады æмбырды. Профилон министр Фрайты Сослан куыд фехъусын кодта, афтæмæй программæ «Земский тренер» кусын райдайдзæн 2026-æм азы. Иннæ фарста баст уыд – æрыгон бинонтæн цæрæнуæттæ дæттынимæ. Æххуысы ахæм фæрæз райсдзысты 6 бинонтæ. Ныхас ма цыд коммуналон службæты материалон-техникон ифтонгдзинадыл. Афтæ республикæйæн самал кодтой сæрмагонд техникæйы 25 мащинæйы. Цалдæр фарстайы баст уыдысты æнæниздзинады къабазимæ. Профилон министры хæстæ æххæстгæнæг Митциты Астан радзырдта æнæниздзинад фидаргæнæн регионалон программæйы тыххæй.
