Радтой сын хæрзиуджытæ æмæ майдантæ
Мæздæджы кад кодтой волонтерты отрядты уæнгтæн. Радтой сын хæрзиуджытæ æмæ майдантæ. Районы цæрджытæ, сывæллæттæ, ныййарджытæ, педагогтæ, æхсæнадон организациты минæвæрттæ, куыстуæтты æмæ ведомствоты коллективтæ. Мæздæджы районы æппæт хъæуты дæр парахатæй кусы бархионты змæлд. Хæстон æфсымæрады бынæттон хайады хъæппæрисæй волонтертæн лæвæрд æрцыдысты майдантæ, риуылдаргæ нысантæ, арфæйы фыстæджытæ æмæ кады гæххæттытæ. Афтæмæй сын бузныг загътой Донбассы æмæ Луганскы цæрджытæн гуманитарон æххуыс кæй кæнынц, уый тыххæй. Мадзалы архайдтой æфсæддонты хæстæджытæ. Бирæтæ сты волонтерты рæнхъыты æмæ æххуыс кæнынц фронтæн. Сæрмагонд æфсæддон операцийы ветеранты Ассоциацийы разамонæг Ахмед Османов майдантæ радта, Мæздæджы районæй чи фæмард, уыдоны бинонтæн. Сылгоймæгты советы номæй та хæрзиуджытæ радтой сылгоймæгтæн-волонтертæн.
