Равдыста дзы, атæмон структурæты модельтæ аразыны къабазы иртæстытæ
Цæгат Ирыстоны паддзахадон университеты æрдзон наукæты æмæ технологиты факультеты студент Боцуаты Артур сси æппæтадæмон физикон-математикон конференцийы архайæг. Равдыста дзы, атæмон структурæты модельтæ аразыны къабазы иртæстытæ. Эксперттæ æрыгон ахуыргонды куыстæн аргъ скодтой. Артуры бынымадтой æппæтæй æнтыстджындæр иртасджытæй иуыл. Бæлвырддæр радзурдзæн Хъайтмазты Дзерассæ.
Атомтæ, формулæтæ æмæ вазыгджын бахыгъдтыл Боцуаты Артуры программæ цалдæр секундмæ бакусы, кæд æмæ лабораторийы ацы хъуыддагыл къуыригæйттæ бахардз вæййы. Æрдзон наукæты æмæ технологиты факультеты студент йæ иртæстытæ равдыста æппæтадæмон конференцийы. Радзырдта атæмон структурæты æмæ процессты модельтæ аразыны тыххæй. Аразгæ интеллекты моделы бындурыл Артур бакуыста æрмæджыты æууæлтæ æвзарыны æмæ рагзагъд кæныны методикæйыл. Пайда кæнын дзы ис бирæ къабæзты – медицинæйæ металлургийы æмæ химикон промышленносты онг. Цæгат Ирыстоны паддзахадон университеты физикæйы кафедрæйы сæргълæууæг Магкоты Тамерлан куыд загъта, афтæмæй ацы куыст тынг ахсджиаг у.
Программæйы фæрцы бахыгъдты процесс автоматизацигонд цæуы æмæ хатдзæгтæ æвдыст цæуынц 3D хуызы. Афтæмæй фæстауæрц кæны рæстæг. Ныртæккæ пайдагонд цæуы программон продукты æппæтæй фæстагдæр хуызæй нæ, фæлæ уыимæ ацы къæпхæныл проектæн йæ бон у иртасæн лабораториты апарахат уæвын.
Цæгат Ирыстоны паддзахадон университеты студенты иртæст цымыдисаг уыд наукон æхсæнадæн. Конференци «Физикон-математикон наукæты актуалон фарстатæ» уыд Грознайы æмæ баиу кодта раззагдæр ахуыргæндты æмæ æрыгон иртасджыты Уæрæсейæ, стæй Индийæ, Китайæ æмæ Иугонд Араббаг Эмираттæй минæвæртты. Форумы хатдзæгтæм гæсгæ Артуры æрбахуыдтой национ æмвæзады наукон проектты архайынмæ.
