Уыцы нысантæн регионалон бюджеты бавæрдтой 240 милуан сомы
2026-æм азы 5 мин педагогæй фылдæрæн фæуæлдæр кæндзысты сæ куысты мызд. Уыцы нысантæн регионалон бюджеты бавæрдтой 240 милуан сомы. Уый тыххæй фехъусын кодтой республикæйы хицауады æмбырды. Фæстаг азтæм ахуырады инфраструктурæмæ бахастой 14 миллиард сомы. Уыдонæй бантыст сæдæгай скъолатæ æмæ рæвдауæндæттæ сног кæнын. Сæйраг темæтæй иу уыд – лæвар медицинон æххуысæн паддазхадон гарантиты территориалон программæ. Уыцы нысантæн фидæны аз федералон бюджетæй радих кæндзысты 15 миллиард сомы. Фæрæзтæй ма спайда кæндзысты рынчындæтты æмæ поликлиникæты материалон-техникон бындур сног кæнынæн. Премьер Дзанайты Барис бабар кодта Чернобылы атомон электростанцæйы 40 азы бонмæ мадзæлтты пълан бацæттæ кæнын. Ныртæккæ нæ республикæйы цæрынц, аварийы фæстиуджытæ чи иуварс кодта, ахæм 650 адæймаджы. Уыдонæй алчидæр хъуамæ иса медицинон æмæ социалон лæггад. Хатдзæгтæм гæсгæ федералон фæрæзты бæрц фæфылдæр 22 миллиард сомæй.
