Афтæмæй сбæрæг кодтой, Ног азы бæрæгбонмæ æхсæнадон зонæтæ æмæ хи кæртыты раз хуыздæр æмæ рæсугъддæр чи саив кодта, уыдоны
Дыгуры районы хатдзæгтæ скодтой аивдзинады конкурсæн. Афтæмæй сбæрæг кодтой, Ног азы бæрæгбонмæ æхсæнадон зонæтæ æмæ хи кæртыты раз хуыздæр æмæ рæсугъддæр чи саив кодта, уыдоны. Районы администрацийы сæргълæууæджы хæстæ æххæстгæнæг Хохойты Валерий раарфæ кодта уæлахиздзаутæн, æмæ сын радта æхцайы премитæ. Конкурс сси ирд цау, æмæ æрбангом кодта бынæттон цæрджыты. Се ппæт дæр тырныдтой сæ райгуырæн район хуыздæр æмæ рæсугъддæрæй равдисыныл. Конкурс цыди дыууæ номинацийы: хи хæдзары раз æмæ алфамбылай территорийы аивдзинад, стæй куыстуæтты æддаг бакасты аивдзинад. Æхсæнадон зонæты хсæн рамбылдтой Мустыздæхы скъолайы раз территори. Дыккаг бынаты аккаг сси Дигорйы Тогойы-фырты уынг 139-æм хæдзарæй – 127-æм хæдзары онг. Æртыккаг бынат та – Тогойы-фырты уынджы 114-æмæй-120-æм хæдзары онг фæзуат. Хи хæдзæртты хсæн номинацийы рамбылдтой: 1-аг бынат – Хадзиты Батраз, 2-аг – Будайты Ефим, æмæ 3-аг Уырыймæгты Фатимæ.
