10 января 2026, 12:08
Æппæтуæрæсеон акци «Уæрæсейы дон»-мæ гæсгæ ивгъуыд аз Цæгат Ирыстоны сарæзтой 80 зиуæй фылдæр
Ссыгъдæг кодтой былгæрæтты 120 километры онг
Æппæтуæрæсеон акци «Уæрæсейы дон»-мæ гæсгæ ивгъуыд аз Цæгат Ирыстоны сарæзтой 80 зиуæй фылдæр. Ссыгъдæг кодтой былгæрæтты 120 километры онг. Мадзæлтты архайдта 23 мин волонтерæй фылдæр. Республикæйы æрдзон æвæрæнты æмæ экологийы министрады кусджытæ бархионты сæххæст кодтой хъæугæ кусæнгæрзтæй. Акци арæзт цæуы национ проект «Экологи»-йæн æххуысæн. Цæгат Ирыстоны сæргълæууæг Сергей Меняйло куыд загъта, афтæмæй æрвылаз республикæйы зиуты архайджытæ свæййынц алы кары æмæ дæсныйадты минæвæрттæ. Сæ фæрцы доны объекттæ æмæ былгæрæттæ сыгъдæгдæр кæнынц. Ацы куыст дарддæр æххæстгонд цæудзæн ацы аз дæр.
темæмæ гæсгæ
