Ахæм адæм сæ граждайнаг хæсыл нымайынц æфсæддонтæн æххуыс кæнын, уымæн æмæ сын афтæ амоны сæ зæрдæ
Фидар фарсхæцт тынг ахсджиаг у фронты архайджытæн. Уыцы хъуыддагмæ се вæрæн хæссынц алыхуызон куыстуæттæ, æхсæнадон организацитæ, амалхъом адæм, волонтертæ, стæй, кæй зæгъын æй хъæуы, Уæрæсейы хуымæтæг цæрджытæ. Адæмон фронты регионалон хайады минæвæрттæ радзырдтой ног цымыдисаг историтæ. Стыр æргом здахынц, æфсадæн æмæ флотæн чи æххуыс кæны, уыцы адæммæ. Ахæм адæм сæ граждайнаг хæсыл нымайынц æфсæддонтæн æххуыс кæнын, уымæн æмæ сын афтæ амоны сæ зæрдæ. Библиотекæйы кусæг æмæ педагог Цъебойты Ларæ 2022-æм азы мартъийæ фæстæмæ ис æхсæнад «Согрей солдата»-йы. Кодта лентытæ маскировкæтæгæнæн хызтæн, хуыдта базтæ æмæ хызынтæ госпитæльтæн. Алыхуызон хъæугæ фæрæзтæй минæй фылдæр арвыста сæрмагонд æфсæддон операцийы зонæмæ. Хæстонтæ хызынтæ сæвæрынц эвакуацион фæрæзтæ, хъæццултæ æмæ бирæ æндæр дзаумæттæ.
Къуымбилæй конд æвæрæнтæ къахыдарæсæн 3200-йæ фылдæр арвыстой æфсæддонтæн, Размик Медзерянцы куыстуаты фæллойгæнджытæ. Æмæ уый фыццаг ахæм куыст нæу. Зымæгон ахæм æххуыс уæлдай ахсджиаг у. Раздæр уал куыстуат гуманитарон æххуыс арвыста Сомихы национ æхсæнад «Эребуни»-йы номæй. Уый тыххæй йæхи канал Максы фехъусын кодта Адæмон фронты регионалон хайад. Размик Медзерянц куыд зæгъы, афтæмæй йæ коллективæн хæстонтæн æххуыс кæнын у тынг ахсджиаг хъуыддаг.
