Уый ифтонг кæны Дзæуджыхъæуы рахизфарсы район: специалисттæ баивдзысты дондзæуæн хæтæлты 7 километрæй фылдæр
Дарддæр цæуы Балтайы дондзæуæн системæйы рацарæзт. Уый ифтонг кæны Дзæуджыхъæуы рахизфарсы район: специалисттæ баивдзысты дондзæуæн хæтæлты 7 километрæй фылдæр. Уый тыххæй йæ телеграм-каналы фехъусын кодта республикæйы сæргълæууæг. Зæронд коммуникацитæ æвæрд æрцыдысты 70 азы размæ. Уæдæй фæстæмæ иу хатт дæр ноггонд нæ уыдысты. Æппынæдзух авариты аххосæй Дондзæуæн куыстуаты специалисттæн æндæр гæнæн нæ уыди, æмæ-иу баиу кодтой уæлæмхасæн донцъирæнтæ. Ныр уыцы фарста лыггонд æрцæудзæн. Уымæй дарддæр ма ивгъуыд аз æнæхъæн республикæйы баивтой 50 километры зæронд хæтæлтæ. Ног дондзæуæнмæ баиу кодтой Октябрьскæ, Черменыхъæу, Дачнæ, Куырттат æмæ Камбилеевскæ. Сног ма кодтой аварион донцъирæн Михайловскæйы. Сергей Меняйло куыд загъта, афтæмæй модернизаци цæуы, нæ республикæ цæрæнуæтты-коммуналон хæдзарады, артаджы æмæ энергетикæйы министрады куыстуæтты рæзты пилотон проекты кæй архайы, уый фæрцы.
