филиал вгтрк государственная телерадиовещательная компания “Алания”

Ног азы фæлладуадзæн бонты рæстæг Мæздæджы цæрджыты æмæ уазджыты зæрдæтæ рухс кодта цымыдисаг коллекци. Саив кодта сывæллæтты сфæлдыстады Центры разуынд. Ног азы бæрæгбоны 30 сæйраг персонажы сæхи къухтæй скодтой районы æрмдæснытæ. Уыдон саразыны тыххæй пайда кодтой алыхуызон æрмæджытæй. Фыццаг бынат бацахстой станицæ Павлодольскæйы цæрджытæ. Дыккаг бынат адих кодтой Павлодольскæйы скъолайы æмæ Мæздæджы 6-æм скъолайы минæвæрттæ. Æртыккаг бынатмæ рацыдысты Мæздæджы фыццæгæм скъолайы æрмдæснытæ. Терскæйы æмæ Луковскæйы станицæты скъолаты ахуырдзауты схорзæхджын кодтой 3 номинацийы: эстетикæ, фантази æмæ сфæлдыстадмæ гæсгæ. Уæлахиздзаутæн радтой кады гæххæттытæ æмæ зæрдылдарæн лæвæрттæ.