филиал вгтрк государственная телерадиовещательная компания “Алания”

Республикæйы хæлардзинады хæдзары уыд æмбырд. Æрныхас кодтой «Алы адæмты национ-культурон хæзнатæ бахъахъхъæныны социокультурон практикæтыл». Мадзалы архайдтой республикæйы разамынды, министрадты æмæ ведомствæты, Дзæуджыхъæуы администрацийы, минæвæрттæ, ахуыргæндтæ, скъолаты кусджытæ, æхсæнадон архайджытæ. Дзырдтой уæрæсейаг граждайнаг хицæндзинады культурон-историон бындурты фарстатыл. Куыд загътой, афтæмæй ацы хъуыддаджы стыр бынат ахсынц национ-культурон æхсæнадтæ. Æмбырды архайджытæ хатдзæгтæ скодтой æхсæнадты 2025-æм азы куысты хатдзæгтæ æмæ снысан кодтой ног азмæ пълан.